Batono - საფერავი წითელი მშრალი ღვინო

რეგიონალური წითელი მშრალი ღვინოების დამზადების ტექნოლოგია

ოპტიმალური სიმწიფის მიღწევისას, ყურძენი იკრიფება ხელით. ყურძნის გადაზიდვა წარმოებს ყუთებით. ყურძნის მეორადი გადარჩევა მიმდინარეობს უკვე მარნის ტერიტორიაზე, რაც გამორიცხავს დაზიანებული ყურძნის გადამუშავებას. ყურძნის გადამუშავება ხდება დაკრეფიდან არაუგვიანეს სამი საათისა.

კლერტის გაცლის შემდეგ მიღებული დურდო გადაეცემა ვინიფიკატორში, სადაც მიმდინარეობს დუღილის პროცესი და პარალელურად მაცერაცია (ყურძნის მადუღარი წვენის გამდიდრება დურდოში არსებული პოლიფენოლებით). დუღილი მიმდინარეობს საფუვრის წმინდა კულტურით. დუღილის ტემპერატურა რეგულირდება (22 – 250C).

6 – 7 დღიანი მაცერაციის შემდეგ, ღვინო იხსნება ჭაჭიდან და გადადის სხვა ცისტერნაში, სადაც ტარდება ვაშლრძემჟავა დუღილი (ტიტრული მჟავიანობის შესამცირებლად). ღვინის დავარგება მუხის ჭურჭელში ხდება ენოლოგის გადაწყვეტილების საფუძველზე.